کنگنا رناوت کو بیانات مہنگے پڑگئے، آمدنی گھٹ گئی

18 دسمبر ، 2017

Kangna Statements Were Expensive The Income Has Dropped

بالی ووڈ ادکارہ کنگنا رناوت نے اعتراف کیا ہے کہ بالی ووڈ فلم انڈسٹری کے بارے میں متنازع بیانات اور یکے بعد دیگرے دو فلموں کی ناکامی سے اُن کی آمدنی متاثر ہوئی ہے ۔

بھارتی میڈیا کے مطابق کنگنا رناوت کی آخری فلم ’’ہنسل مہتاز سمرن‘‘باکس آفس پر ناکام ہوئی تھی جبکہ اس سے پہلی فلم ’’رنگون‘‘جس میں اُن کے ساتھ شاہد کپور اور سیف علی خان نےکام کیا ، اس پر بھی فلم بینوں کی ملی جلی رائے سامنے آئی تھی۔

ان فلموں میں کنگنا کی اداکاری کو توپسند کیا گیا لیکن یہ فلمیں شائقین کو متاثر کرنے میں ناکام رہیں۔

ایک انٹرویو میں کنگنا رناوت کا کہنا تھا کہ فلموں کی پیشکش کم نہیں ہوئیں لیکن میرا کمرشل استحکام متاثر ہوا ہےاور آمدنی نیچے آرہی ہے جس کی وجہ سے اپنے ذاتی پروڈکشن ہاؤس کھولنے کے منصوبے کو دھکے لگانا پڑیں گے۔

بالی ووڈ اداکارہ کا کہنا تھا کہ وہ نہیں چاہتیں کہ ان کی زندگی ’احتیاط کی کہانی‘ بن کر رہ جائے۔’ میں نوجوان لڑکیوں کے لئے مثال بننا چاہتی ہوں اور اس میں ضرورکامیاب ہوں گی۔‘

واضح رہے کہ رواں سال کے اوائل میں کنگنا رناوت نے اپنے دھماکا خیز انٹرویوز میں ایک بار پھر فلم انڈسٹری میں ہراساں کرنے اور اقربا پروری جیسےمعاملات اٹھاتے ہوئے رہتک روشن اور کرن جوہر پر الزامات لگائے تھے۔

تازہ ترین