دنیا بھر میں رواں برس کے دوران 65 صحافیوں اور ذرائع ابلاغ سے تعلق رکھنے والے افراد کو قتل کیا گیا۔
صحافیوں کی بین الاقوامی تنظیم رپورٹرز وِدآؤٹ بارڈرز کے مطابق مارے جانے والوں میں پچاس مقتولین پیشہ ور صحافی تھے۔
تنظیم کا کہنا ہے کہ صحافیوں کے لیے خطرناک ترین ممالک کی فہرست میں شام بدستور پہلے نمبر پر ہے، جہاں بارہ رپورٹرز کو قتل کیا گیا۔ اس کے بعد میکسیکو کا نمبر آتا ہے جہاں گیارہ صحافی مارے گئے۔ مجموعی طور پر گزشتہ چودہ برسوں میں صحافیوں کی ہلاکتوں کی یہ سب سے کم سالانہ تعداد ہے۔