وہ کہتے ہیں نہ شوق کا کوئی مول نہیں ، بلکل اُسی طرح جب بات’’گنیز بک آف ورلڈ ریکارڈ‘‘کی ہو تو بندہ کچھ بھی منفرد کرنے کی ٹھان لیتا ہے۔
کچھ اسی طرح کا ’کارنامہ ‘ انجام دیا اٹلی کی47 سالہ خاتون ماریہ نے۔ماریہ نے گنیزبک آف ورلڈ ریکارڈز میں اپنا نام درج کرانے کے لیے اپنی کار کو انسانی بالوں سے ڈھانپ دیا۔
مقامی میڈیا سے بات کرتے ہوئے ماریہ نے کہا کہ یہ کام اتنا آسان نہیں تھامگر وہ بخوبی کامیاب ہوئی۔
انجن کے سوا پوری گاڑی کو انسانی بالوں سے منفرد انداز اور منفرد ہیئر کلر سےسجا یا گیا ہے۔ماریہ اپنی اس منفرد کار کوسڑکوں پر ہی نہیں گُھماتی پھراتیں بلکہ اپنی کار کو شیمپو اور بالوں کو برش بھی کرتی ہیں۔
اس منفرد کارنامے کو انجام دینے میں انہیں 80,000 یورو خرچ کرنا پڑے۔ ماریہ کا کہنا ہے کہ بالوں کاوزن100 کلو کے قریب ہےلہٰذاان کا یہ کارنامہ منفرد ہونے کی وجہ سے ’گنیز بک آف ورلڈ ریکارڈ‘ میں نام درج کرلیا گیا ہے۔