نواز شریف سن لو،فوج اورعدلیہ کے بغیر جمہوریت ممکن نہیں، شیخ رشید

27 دسمبر ، 2017

Listen To Nawaz Without Army And Judiciary Democracy Is Not Possible Sheikh Rasheed

عوامی مسلم لیگ کے سربراہ شیخ رشید نے کہا ہے کہ نوازشریف سن لوملک میں فوج اور عدلیہ کےبغیرجمہوریت ناممکن ہے۔

ڈیرہ غازی خان میں عوامی اجتماع سے خطاب میں شیخ رشید نے کہا کہ کل نوازشریف کی تقریر کے بعد الیکشن ہوتے دکھائی نہیں دیتے ۔

ان کا مزید کہناتھا کہ وہ حدیبیہ پیپر ملز کیس جنوری کے پہلے ہفتے سپریم کورٹ میں دائر کرنے جارہے ہیں اور اس کیلئے مہنگے وکیل بھی کرلئے ہیں۔

شیخ رشید نے یہ بھی کہا کہ ملک میں تمام تر خرابیوں کا ذمہ دار شریف خاندان ہی ہے، ان حکمرانوں کی کشتی ڈوبنے لگی ہے ۔

انہوں نے مزید کہا کہ امریکا میں ڈونلڈ ٹرمپ اور پاکستان میں نواز شریف ذلیل ہورہے ہیں، نواز شریف سن لیں ملک میں عدلیہ اور فوج کے بغیر جمہوریت مکمل نہیں ہوسکتی ۔

شیخ رشید نے یہ بھی کہا کہ ملک میں دہشت گردی کی ایک وجہ بے روزگاری بھی ہے اور ملک میں سب سے بڑا دہشت گرد رانا ثنااللہ ہے ۔

تازہ ترین