وزیراعظم شاہد خاقان عباسی نے کہا ہے کہ پاکستان کے دور دراز علاقوں میں براڈ بینڈ کی سہولت فراہم کی جارہی ہے ۔
فاٹا ، خیبر ایجنسی ، مہمند ایجنسی اور ڈی آئی خان میں پائیدار ترقیاتی منصوبوں کیلئے براڈ بینڈ کے معاہدے پر دستخط کی تقریب سے خطاب میں وزیراعظم نے کہا کہ نوجوان طبقے کو آئی ٹی کے شعبے میں دیکھ کر خوشی ہورہی ہے ۔
ان کا مزید کہناتھاکہ حکومت انفارمیشن ٹیکنالوجی کے شعبے کو ہر ممکن سہولت فراہم کررہی ہے۔
وزیراعظم نے کہا کہ ٹیلی مواصلات کے شعبےنے ملک میں انقلاب برپا کردیاہے، منصوبے کے تحت ملک کے 5896دیہات کو براڈ بینڈ کی سہولت فراہم کی جارہی ہے۔