• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

زینب کی شہادت نے ثابت کردیا یہاں جنگل کا نظام ہے،سراج الحق

تازہ ترین
قومی خبریں
12 جنوری ، 2018
Zainabs Martyrdom Proved That There Is System Of Jungle Sirajul Haq

امیر جماعت اسلامی سینیٹر سراج الحق نے کہا ہے کہ معصوم زینب کی شہادت یہ ثابت کرتی ہے کہ آج بھی ہمارے ہاں جنگل کا نظام ہے ۔

سابق ضلع ناظم میاں نعیم جاوید کے بیٹے کی وفات پر تعزیت کے بعد سراج الحق نے میڈیا سے گفتگو میں کہا کہ زینب کے واقعے سے ثابت ہورہا ہے کہ قانون صرف حکمرانوں کی حفاظت کے لئے ہے ۔

ان کا مزید کہا تھاکہ ڈاکوں اور اغواکاروں نے معاشرے کویرغمال بنایا ہے، بچی کو 5 دن سےاغوا کیا گیا، لیکن حکومت کچھ نہ کرسکی،جتنی بھی فورسز بنائی گئی ہیں وہ صرف حکمرانوں کے تحفظ کے ليے ہیں۔

امیر جماعت اسلامی نے یہ بھی کہا کہ ملک خزانے کے کروڑوں روپے محلات اور حکمرانوں کی حفاظت پر خرچ ہورہے ہیں ، اس کے باوجود کوئی موثر کارروائی نظر نہیں آرہی ہے ۔

انہوں نے مزید کہا کہ وزیراعلیٰ پنجاب ابھی تک تعزیت کے لئے زینب کے والدین کے پاس نہیں گئے ،پنجاب اس وقت پولیس اسٹیٹ بن چکا ہے ،یہاں عدالتیں بھی گونگی بہری ہیں۔

تازہ ترین