| |
Home Page
منگل5؍ جمادی الاوّل 1439ھ 23 ؍ جنوری2018ء
January 13, 2018 | 10:30 am

جرمنی: دریائے رائن میں سیلاب بحری جہاز پل سے ٹکراگیا

Germany Shipping Suspended On Rhine As Cologne Floods

جرمن شہر کولون میں دریائے رائن میں سیلابی پانی اونچی سطح پر پہنچنے کے باعث ایک بحری جہاز ریلوے پل سے ٹکراگیا۔

جرمنی کے تقریباً سارے ہی دریا ان دنوں سیلاب کی زد میں ہیں اور جرمن حکام نے یورپ کے طویل دریا رائن میں معمول کی تجارتی جہاز رانی گزشتہ کئی دنوں سے بند کر رکھی ہے۔

جرمن ریلوے کمپنی نے بتایا کہ یہ واقعہ گزشتہ روز علی الصبح پیش آیا جب ایک بحری جہاز کولون شہر میں رائن پر بنے اس ریلوے پل سے ٹکرا گیا، جو جنوبی پل کہلاتا ہے۔

دریائوں اور آبی راستوں پر ٹریفک کی نگرانی کرنے والی پولیس کی طرف سے بتایا گیا کہ اس حادثے میں کوئی شخص زخمی نہیں ہوا۔

ماہرین نے جائزہ لینے کے بعد پل کو ریلوے ٹریفک کے لیے دوبارہ کھول دیا ہے۔