| |
Home Page
منگل5؍ جمادی الاوّل 1439ھ 23 ؍ جنوری2018ء
January 13, 2018 | 10:50 am

انڈر19ورلڈکپ، افغانستان نے پاکستان کو 5وکٹ سے ہرادیا

Under 19 World Cup Afghanistan Defeated Pakistan By 5 Wickets

Under 19 World Cup Afghanistan Defeated Pakistan By 5 Wickets

نیوزی لینڈ میں جاری انڈر 19 کرکٹ ورلڈ کپ کے گروپ ڈی کے پہلے میچ میں افغانستان نے پاکستان کو پانچ وکٹ سے ہرا دیا۔ وانگیری میں پاکستانی ٹیم نے پہلے بیٹنگ کرتے ہوئے 48 اوور میں 188 رنز اسکور کیے ۔

میچ میں ابتدا ہی سے پاکستان کی بیٹنگ لائن مشکلات کا شکار رہی۔ اوپنر روحیل نذیر نے کچھ مزاحمت کی اور انہوں نے 81رنز بنائے، اُن کی اننگز میں 9 چوکے شامل تھے، جبکہ علی زریاب 30رنز بنا کر نمایاں رہے۔

افغانستان کی جانب سے عظمت اللہ عمر زئی اور قیس احمد نے تین، تین ،نوین الحق نے 2، ظاہر خان اور نثار وحدت نے ایک، ایک کھلاڑی کو آؤٹ کیا ۔

جواب میں افغانستان نے ہدف با آسانی 44 ویں اوور میں پانچ وکٹ پر حاصل کرلیا۔ افغانستان کی جانب سےدرویش رسولی 76 رنز بناکر ناٹ آوٹ رہے۔