ٹرمپ نے پورن اسٹار کو چپ رہنے کا معاوضہ دیا، امریکی اخبار

امریکی صدر ٹرمپ کی جانب سے پورن اسٹار اداکارہ اسٹیفن کلیفورڈ کو منہ بند رکھنے کے لیے ایک لاکھ 30 ہزار ڈالر کی رقم ادا کی گئی۔

امریکی اخبار نے دعویٰ کیا کہ رقم صدر کے وکلاء کی جانب سے 2016میں انتخابی مہم کے دوران پورن اسٹار کو اس لیے دی گئی کہ کہیں وہ ٹرمپ کی صدارتی مہم پر کوئی منفی اثر نہ ڈالیں۔

امریکی اخبار کی رپورٹرنے دعویٰ کیا کہ صدر ٹرمپ اور پورن اسٹارکی ملاقات 2006میں ان کی تیسری شادی سے ایک سال قبل گولف ٹورنامنٹ کے دوران ہوئی تھی۔

وائٹ ہاؤس نے صدر ٹرمپ اور پورن اسٹار کے تعلقات کے بارے میں کہا کہ مختلف خواتین کی جانب سے صدر پر آئے روز ایسے الزامات لگتے آرہے ہیں جس کا ٹرمپ انکار کرتے رہے ہیں۔

وائٹ ہاؤس حکام نے اخبار سے بات چیت کرتے ہوئے کہا کہ یہ خبر پرانی اور دوبارہ گھڑی گئی ہے جبکہ اس کی الیکشن سے قبل تردید ہوچکی تھی۔