| |
Home Page
جمعرات18؍ ربیع الثانی 1439ھ 18 ؍ جنوری2018ء
January 13, 2018 | 10:49 pm

نوجوان نے جمی ہوئی جھیل پر لکھ کر شادی کی پیشکش کردی

Man Carves Giant Message In Snow To Propose To Girlfriend

شادی کی پیشکش کو یادگار بنانے کیلئے امریکی نوجوان نے انوکھا قدم اٹھاتے ہوئے جمی ہوئی جھیل کو تراش کر پیغام لکھا اور محبوبہ کو جہاز میں بٹھا کر آسمان کی سیر کروا تے ہوئے شادی کی پیشکش کر ڈالی۔

شادی کی پیشکش کو یادگار بنانے کیلئے اکثر افراد کچھ منفرد کرنے کی کوشش کرتے ہیں کچھ ایسا کہ جو ہمیشہ یاد رہے اور جس سے محبوب فوراََ راضی ہوجائے۔

ویڈیو میں نظر آنے والے اس نوجوان کے تو کیا ہی کہنے کہ جس نے نہ صرف اپنی محبوبہ کے نام جمی ہوئی جھیل کو تراش کر پیغام لکھااور پھر اُسے جہاز میں بیٹھا کر آسمان کی سیر کرواتے ہوئے منفرد انداز میں شادی کی پیشکش کر ڈالی۔

امریکی ریاست مینیسوٹا سے تعلق رکھنے والے Gavin Becker نامی نوجوان نے محبوبہ کو شادی کی پیشکش کرنے کیلئے خون جما دینے والی سردی کے موسم میں جمی ہوئی جھیل کا انتخاب کیا اور چار گھنٹوں کی محنت کے بعد یلی جھیل پر شادی کا پیغام تراشہ۔

اس نے بعد میں اپنی محبوبہ کو جہاز میں بیٹھا کر آسمان کی سیر کروائی اور نیچے جمی ہوئی جھیل پر لکھے گئے میری می کے الفاظ دکھاتے ہوئے شادی کی پیشکش کی۔

منفرد طریقہ کار پر Olivia Toftپہلے تو حیران رہ گئی پھر خوشی و حیرت کے ملے جلے تاثرات کے ساتھ اس نے ہاں کردی۔