قصور واقعہ :کراچی مددگار پولیس 15پر کالز میں اضافہ

قصور میں کمسن بچی زینب کے ساتھ زیادتی اورقتل کے واقعہ کے بعد کراچی میں مددگار پولیس 15 پرکالز کرنے اور مختلف قسم کی اطلاعات دینے میں میں واضح اضافہ ہوا ہے۔

قصور واقعے پر عوام میں شدید غم اور غصہپایا جاتا ہے، جس کا فائدہ اٹھاتے ہوئے شرپسند عناصر اپنے ذاتی تنازعات کا بدلے لینے اور جھوٹی خبر دے کر مخالفین کونشانہ بنا رہے ہیںاور ایسے واقعات بھی سامنے آرہے ہیں جن میں غلط الزامات لگا کر مجمع سے لوگوں پر تشدد کرایا جا رہا ہے۔

انچارچ مددگار پولیس ایس پی ڈاکٹر رضوان کا کہنا ہے کہ پولیس کی جانب سے اس سلسلے میں سخت اقدامات کئے جارہے ہیں،تشدد کرنے والوں اور جھوٹی اطلاع دینے والوں کے خلاف سخت ترین کارروائی کی جائے گی ۔