حکومت کا عام انتخابات سے پہلے پی آئی اے کی فروخت کا منصوبہ

حکومت نے قومی ائیر لائن پی آئی اے کو فروخت کرنے کا منصوبہ بنالیا۔

پاکستان انٹرنیشنل کو انتخابات سے پہلے ہی فروخت کرنے کا منصوبہ تیار کیا گیا ہے،یہ انکشاف وفاقی وزیر دانیال عزیز نے غیرملکی خبر رساں ادار ے کو انٹرویو دیتے ہوئے کیا۔

دانیا ل عزیز نے کہا کہ پی آئی اے کو فروخت کرنے کا نیا منصوبہ اگلے ہفتے کابینہ کی نجکاری کی کمیٹی میں پیش کیا جاسکتا ہے۔

جب دانیال عزیز سے سوال کیا گیا کہ اگر کوئی خریدار آگیا تو کب تک پی آئی اے اس کے حوالے کرسکیں گے؟ دانیال بولے، کل صبح، اگر آپ کے پاس پیسہ ہے تو آئیں اور خرید لیں تاہم دانیال عزیز نے متوقع قیمت بتانے سے گریز کیا۔