چوروں اور ڈاکوؤں کا راج اب گیا، خادم حسین رضوی

14 جنوری ، 2018

Dacates Era And In Country Khadim Hussain Rizvi

تحریک لبیک یا رسول اللہ ﷺ کے سربراہ علامہ خادم حسین رضوی نے کہا ہے کہ اب چوروں اور ڈاکوؤں کا راج چلا گیا، عمران خان، آصف زرداری اور نواز شریف پاکستان کی ترقی میں رکاوٹ ہیں، ملک کی ترقی تحریک لبیک میں پنہاں ہے، کراچی کے لوگوں نے جلسے میں بڑی تعداد میں شرکت کر کے اپنا پیغام دے دیا ہے۔

کراچی کے باغ جناح میں تاجدار ختم نبوتﷺ کانفرنس سے خطاب میں علامہ خادم حسین رضوی کا کہنا تھا کہ ناموس رسالت ﷺ کے لئے فیض آباد اور کراچی میں لوگوں نے جانوں کا نذرانہ دیا، انہوں نے کہا کہ دین کی بات کرنے والے کنٹینر پر چڑھ کر پیسے نہیں لیتے، سینے پر گولیاں کھاتے ہیں۔

علامہ خادم حسین رضوی نے کہا کہ ایک بچی کی چیخ پر محمد بن قاسم سمندر میں اتر جاتا ہے، چوبیس کلومیٹر دور قصور کی بچی سے زیادتی پر حکمران کیسے خاموش رہے ؟

تحریک لبیک کے سرپرست پیر افضل قادری کا کہنا تھا کہ اگر انہیں حکومت ملی تو ایسی اصلاحات لائیں گے جس سے دنیا اور آخرت دونوں سنور جائیں گی، کرپشن اور سود کا خاتمہ ہوگا جبکہ قصور جیسے واقعات رونما نہیں ہوں گے ۔

تازہ ترین