کچھ منٹ کی روشنی پھر اندھیری رات

روس کے شمالی شہر ’مورمنسک‘میں چالیس دن کے بعد کچھ دیر کی روشنی ہوئی اور پھر اندھیرا چھا گیا۔

غیر ملکی خبر رساں ادارے کے مطابق روس کے شمالی شہر مورمنسک میں چالیس دن تک سورج نہیں نکلا اور جب تاریکی کے بعد جب سورج نے روشنی بکھیری تو وہ دورانیہ محض 34 منٹ کا تھا جس کے بعدوہاں ایک مرتبہ پھر سورج غروب ہوگیا۔

مورمنسک کے رہائشی افراد نے تقریبا ایک مہینے سے سورج کو نہیں دیکھا تھا اور اس موقع پر طلوع آفتاب کا دلکش منظر دیکھنے کے لیےلوگوں کی بڑی تعداد  ’ہل ٹاپ‘ پہنچ گئی۔

منفی درجہ حرارت ہونے کے باوجود اس نظارے کو دیکھنے کی غرض سےتمام افراد ایک جگہ جمع ہوئے اور نہ صرف اس حسین نظارے کو دیکھا بلکہ اس منظر کی بے شمار تصاویر بھی بنائیں۔

سورج کا چالیس دن تک نہ نکلنا کوئی حیرت انگیز بات نہیں بلکہ یہ ایک قدرتی عمل ہے جسے ’پولر نائٹ‘ کہا جاتا ہے۔

میڈیا سے بات کرتے ہوئے ایک شخص نے بتایا کہ 2012 میں پولر نائٹ پہلی مرتبہ ہوا تھا اور اس کے بعد سے ہر سال ایسا ہوتا ہے جبکہ اس سال یہ چھٹا پولر نائٹ ہے۔