ڈیرہ غازی خان ،مشتبہ شخص گرفتار ،دستی بم و اسلحہ بر آمد

ڈیرہ غازی خان میں پولیس نے سرچ آپریشن کے دوران ایک مشتبہ شخص کو گرفتار کرکے دستی بم اور اسلحہ بر آمدکرلیا۔

پولیس کے مطابق چوٹی زیریں میں خفیہ اطلاع ملنے پر سرچ آپریشن کیا گیا۔

آپریشن کے دوران گھر سے دو دستی بم برآمد کرلئے گئے اور گھر میں موجود ایک شخص کو گرفتار کرلیا گیا۔

گرفتار شخص کی شناخت سہیل کھوسہ سے نام سے کی گئی ہے۔

پولیس کا کہنا ہےکہ جب پولیس گھر میں داخل ہوئی تو ملزم کی جانب سے ہوائی فائرنگ کی گئی تھی۔