اسٹیٹ بینک آف پاکستان اور سینٹرل بینک آف رشین فیڈریشن میں مرکزی بینکاری کے شعبے میں دوطرفہ تعاون بڑھانے پر اتفاق کا معاہدہ طے پا گیا ہے۔
اسٹیٹ بینک کی جانب سے جاری کردہ اعلامیہ کے مطابق اسٹیٹ بینک کے گورنر نے پیر کو ماسکو ، روس میں سینٹرل بینک آف رشین فیڈریشن کے ہیڈکوارٹرز کا دورہ کیا۔
یہ اسٹیٹ بینک کے کسی بھی گورنر کی جانب سے سی بی آر ایف کا پہلا دورہ ہے۔ اسٹیٹ بینک نے سی بی آر ایف کے ساتھ مرکزی بینکاری میں دو طرفہ تعاون بڑھانے کے حوالے سے مفاہمت کی ایک یادداشت پر دستخط کیے ہیں۔