بارود پھٹا نہیں جلا، جس سے حملہ آور ہلاک ہوگیا، راجہ عمر خطاب

17 جنوری ، 2018

The Attacker Was Killed By The Burning Of Ammunition Raja Umer Khitab

کراچی کے علاقے ملیر کینٹ کے قریب ایس ایس پی راؤ انوار کی گاڑی پر حملہ ہوا، حملے میں ایس ایس پی راؤ انوار محفوظ رہے ۔ ڈی آئی جی ایسٹ سلطان خواجہ کہتے ہیں لگتا ہے خودکش حملہ کیا گیا، وزیر داخلہ سہیل انور سیال نے راؤ انوارکو ٹیلی فون کر کے خیریت دریافت کی ، حملے کی رپورٹ طلب کرلی۔

انچارج سی ٹی ڈی راجہ عمرخطاب نے حملےکی جگہ کادورہ کیا، ایس ایس پی ملیر راؤ انوارپر حملے سے متعلق سی ٹی ڈی انچارج راجہ عمر خطاب کا کہناہے کہ حملے کے بارے میں کچھ کہا نہیں جاسکتا کیوں کہ حملے میں بارود پھٹا نہیں بلکہ جل گیا،جس کے باعث حملہ آور مکمل جھلس گیا۔

انہوں نے کہا کہ ممکن ہو کہ حملہ آور کا مقصد راؤ انوار کو روکنا ہو ۔اس دوران حملہ آوروں کے دیگر ساتھی راؤ انوار کے رکنے پرحملہ کرتے۔

واضح رہے کہ کراچی کے علاقے ملیر کینٹ کے قریب ماڈل کالونی لنک روڈپر ایس ایس پی راو انوار کی گاڑی پر خود کش حملہ ہوا جس میں راؤ انوار محفوظ رہے ۔پولیس کے مطا بق خودکش حملہ آور سمیت 3دہشت گرد مارے گئے جبکہ 2نائن ایم ایم پستول اور2گولیاں برآمد ہوئیں۔

ایس ایس پی راؤ انوار اپنے دفتر سے گھر جارہے تھے کے ملیر کینٹ ، گیٹ نمبر 6 کے مقام پر خود کش بمبار نے حملہ کردیا۔ ایس ایس پی راو ٔانوار بکتر بند گاڑی میں سوار ہونے کی وجہ سے محفوظ رہے۔

راؤ انوار کا کہنا ہے کے خود کش حملہ آور گاڑی سے ٹکرایا اور پھٹ گیا ،حملے میں راؤ انواراور ساتھی اہلکار محفوظ رہے جبکہ مقابلے میں دو حملہ آور ہلاک ہوگئے۔

وزیرداخلہ سندھ سہیل انور سیال نے ایس ایس پی ملیر پر خودکش سے متعلق ڈی آئی جی ایسٹ سے تفصیلی رپورٹ طلب کرلی ہے، انہوں نے ایس ایس پی ملیر سے ٹیلی فونک رابطہ بھی کیا اور ان کی خیریت دریافت کی۔

تازہ ترین