سفارتخانہ منتقل کرنے کےخواب پر ٹرمپ نے پانی پھیر دیا

اسرائیل کے راتوں رات امریکی سفارتخانہ القدس منتقل کرنے کے خواب پر ڈونلڈ ٹرمپ نے پانی پھیر دیا اور کہا کہ ایک سال کے اندر سفارت خانے کی منتقلی ممکن نہیں ہے۔

اسرائیلی وزیراعظم نے اس خوش خیالی کا اظہار کیا تھا کہ امریکی سفارتخانے کی منتقل کا کام سب کی سوچوں سے تیز اور اب سے ایک سال کے اندر ہوگا۔

لیکن جب امریکی صدر ٹرمپ کے سامنے نیتن یاہو کا بیان رکھا گیا، تو انہوں نے اس کی تردید کردی۔

اس سے پہلے امریکی وزیرخارجہ ریکس ٹلرسن نے کہا تھا کہ 3 سال سے کم عرصے میں سفارتخانے کی القدس منتقلی ممکن نہیں ہوگی۔