اسٹیٹ بینک آف پاکستان نے سری لنکا کو 76 ہزار ٹن یوریا برآمد کرنے کی تاریخ بڑھا تے ہوئے مجاز ڈیلرز کو معلومات کی تشہیر کرنے کی ہدایت کی ہے۔
اسٹیٹ بینک کےسرکلر کے مطابق سری لنکا کو یوریا کی برآمد 28 فروری 2018 تک کی جاسکے گی۔ مرکزی بینک کے مطابق اقتصادی رابطے کمیٹی کے اجلاس میں اس بات کا فیصلہ کیا گیا ہے، جس پر وزارت تجارت نے 10 جنوری کومیمورنڈم جاری کیا تھا۔
مرکزی بینک نے اپنے مجاز ڈیلرز کو ہدایت کی ہے کہ وہ اس معلومات کی تشہیر کریں۔ پاکستان سے سری لنکا کو یوریا کی برآمد کی اجازت اقتصادی رابطہ کمیٹی نے 31 اکتوبر 2017 تک دی تھی جسے اب بڑھا دیا گیا ہے۔