میر فیروز لہڑی کے بیٹوں کی بلاول سے ملاقات، پی پی میں شمولیت

بلوچستان کے قبائلی رہنما اور ٹرانسپورٹر میر فیروز خان لہڑی کے دو بیٹوں میر ذوالفقار لہڑی اور میر ممتاز لہڑی نے پاکستان پیپلز پارٹی کے چیئرمین بلاول بھٹو زرداری سے ملاقات کی ہے۔

ملاقات میں میر ذوالفقار لہڑی اور میر ممتاز لہڑی نے پاکستان پیپلز پارٹی میں شمولیت کا اعلان کردیا۔

ملاقات میں دونوں رہنماؤں نے بلوچستان میں پیپلزپارٹی کے لیے اہم کردار ادا کرنے کےعزم کا بھی اظہار کیا۔

بلاول ہاؤس کراچی میں ہونے والی ملاقات میں پیپلزپارٹی بلوچستان کے صدر حاجی علی مدد بھی موجود تھے۔

چیئرمین پی پی پی بلاول بھٹو زرداری کی جانب سے لہڑی برادران کی پیپلزپارٹی میں شمولیت کا خیر مقدم کیا گیا۔