وسطی ایشیائی ملک قازقستان میں ایک مسافر بس میں آگ لگنے سے 52 افراد ہلاک ہو گئے ۔ جبکہ پانچ بچنے والوں کو طبی امداد کی فراہمی کے بعد روانہ کردیا گیا۔
وزارت داخلہ کا کہنا ہے کہ یہ واقعہ ملک کے شمال مغربی علاقےاکتوب میں پیش آیا۔ بس میں سوار محض پانچ افراد بچ نکلنے میں کامیاب ہو سکے۔ حادثے کے وقت بس میں 55 مسافر اور دو ڈرائیور سوار تھے ۔
وزارت داخلہ کے بیان کے مطابق ابھی تک یہ واضح نہیں کہ بس کے مسافر قازقستان کےشہری تھے یا غیر ملکی تھے۔تاہم کہا جارہا ہے کہ زیادہ تر مسافر ازبک شہری تھے۔