جرمنی، نیدرلینڈز و بیلجیئم میں طوفان، 9 ہلاک

19 جنوری ، 2018

آندھی اور طوفان سے جرمنی، نیدرلینڈز اور بیلجیئم میں درخت اور مکانوں کی چھتیں اکھڑ گئیں، نیدرلینڈز سمیت مختلف ممالک کی شاہر اہوں پر سیکڑوں ٹرالر الٹ گئے، حادثات میں خاتون اور 2 فائر فائٹرز سمیت9 افراد ہلاک اور درجنوں زخمی ہوگئے .

یورپ تیز طوفانی ہواؤں کے جھکڑوں کی لپیٹ میں آگیا۔ نیدر لینڈ میں طوفانی ہواؤں نے کئی درخت جڑوں سے اکھاڑ دیے۔سڑکوں پر چلنے والے بھاری بھرکم ٹرک اور کنٹینر ہوا کے زور سے الٹ گئے۔ 140 کلومیٹر فی گھنٹہ کی رفتار سے چلنے والی ہواؤں کے باعث طیارے بھی فضا میں ڈانواں ڈول ہوتے رہے۔

ایمسٹرڈیم ایئرپورٹ پر ڈھائی سو سے زائد پروازیں منسوخ کردی گئیں۔ منہ زور ہوا، گھروں کی چھت پر لگے ٹائلز بھی اڑا لے گئیں۔یہی نہیں، راہ چلتے افراد بھی قلابازیاں کھاتے دکھائی دیے۔