بلوچستان میں آج پولیو کا کیچ اپ ڈے منایا جارہا ہے

کوئٹہ سمیت صوبہ بلوچستان کے تین ہائی رسک اضلاع میں آج پولیو کا ’کیچ اپ ‘ڈے منایا جارہا ہے ۔

پولیو ایمرجنسی سیل کے مطابق کوئٹہ،پشین اورقلعہ عبد ا للہ میں انسدادپولیو مہم اختتام پذ یر ہوگئی ہے اور تینوں ہائی رسک اضلا ع میں مہم کا تقریبا 98 فیصد ہدف حاصل کرلیا گیا ہے ۔

مہم میں ویکسی نیشن سے رہ جا نے و الےبچوں کو کور کرنے کے لئے آج ’کیچ اپ ‘ڈےمنایا جا رہا ہے جس میں بھر پورکوشش کی جارہی ہے کہ مہم کا 100 فیصد ہدف حاصل کرلیا جائے۔

کوئٹہ، پشین اور قلعہ عبداللہ میں 7لاکھ 70ہزار سے زائد بچوں کی ویکسی نیشن کا ہدف مقرر ہے مہم کے لئے سکیورٹی کے سخت انتظامات کئے گئے ہیں۔