پنجاب یونیورسٹی میں دو طلبہ گروپوں میں رات گئے تصادم کے دوران طلبا نےالیکٹریکل انجینئرنگ ڈپارٹمنٹ میں توڑ پھوڑ کی اور آگ لگادی۔
ذرائع کے مطابق پولیس نے موقع پر پہنچ کر دونوں گروپوں کو منتشر کردیا۔
پنجاب یونیورسٹی انتظامیہ کےمطابق الیکٹریکل انجینئرنگ ڈپارٹمنٹ میں ایک طلبہ گروپ کی جانب سے آج ہونے والی پائنیر فیسٹیول کی تیاریاں جاری تھی کہ دوسرے طلبہ گروپ نے رات گئے دھاوا بول کر ڈپارٹمنٹ میں توڑ پھوڑ کی اور ایک کمرے کو آگ بھی لگادی۔
ہنگامہ آرائی کے دوران کئی گاڑیوں کے شیشے بھی توڑ دیے گئے، اطلاع ملنےپر پولیس کی نفری موقع پرپہنچ گئی اور طلبا کو منتشر کرکے حالات پر قابوپالیا۔
وائس چانسلر کےمطابق توڑ پھوڑ میں ملوث طلباء کے خلاف سخت کارروائی کی جائے گی اور اس حوالے سے اساتذہ اور انتطامیہ کو ہدایات بھی جاری کردی گئی ہیں۔