پنجاب یونیورسٹی لاہور میں پختون بلوچ کونسل نے اسلامی جمعیت طلبہ کے فیسٹیول کیمپ پر دھاوا بول دیا اور رات گئے اسے آگ لگادی ۔
پختون بلوچ کونسل کے کارکنوں نے یونیورسٹی کے الیکٹریکل انجینئرنگ ڈیپارٹمنٹ میں توڑ پھوڑ بھی کی ۔
اسلامی جمعیت طلبہ نے فیسٹیول کیمپ کو آگ لگانے اور الیکٹریکل انجینئرنگ ڈیپارٹمنٹ میں توڑ پھوڑ کےخلاف صبح سویرے احتجاج کیا ، اس موقع پرپختون بلوچ کونسل کے کارکن وہاں پہنچ گئے اور جھگڑا شروع ہو گیا۔
طلبہ گروپوں نے ایک دوسرے پر پتھرائو کیا ،لاٹھی بھی چلائی جس میں 4 طلبہ زخمی ہوئے تاہم پولیس شیلنگ کرکے حالات پر قابو پایا ۔
حالات کشیدہ ہونے پر پائینیر فیسٹیول منسوخ کردیا گیا ،وزیراعلیٰ پنجاب نے واقعے کی رپورٹ طلب کرلی ہے ۔
صوبائی وزیر ہائر ایجوکیشن رضا علی گیلانی کا کہناہے کہ ذمہ دار دونوں طرف سے ہیں،کارروائی بھی بلاتفریق ہو گی۔