امریکا نے قاہرہ سے آنے والی تمام کارگو ٹرانسپورٹ پر پابندی لگا دی

امریکا نے مصر کے قاہرہ ایئرپورٹ سے آنے والی تمام کارگو ٹرانسپورٹ پر پابندی لگا دی تاہم پابندی میں مسافروں کا سامان شامل نہیں ہے۔

خبر ایجنسی کے مطابق قاہرہ ایئرپورٹ اور مصری ایئرلائن ذرائع کا کہنا ہے کہ امریکا نے قاہرہ ایئرپورٹ سے امریکا جانے والی تمام کارگو ٹرانسپورٹ پر پابندی لگا دی ہے.

ذرائع کے مطابق امریکا نے سیکیورٹی انتظامات پر تحفظات کی وجہ سے پابندی لگائی ہے.

امریکا نے مشرق وسطیٰ کے پانچ ائیرپورٹس سے چلنے والی چھ فضائی کمپنیوں سے سامان کی ترسیل کی تلاشی سخت کرنے کا مطالبہ بھی کیا ہے۔