نقیب اللہ معاملہ، سہیل انور سیال نے اعلیٰ سطح کا اجلاس طلب کرلیا

وزیر داخلہ سندھ سہیل انور سیال نے نقیب اللہ کے معاملے پر اعلیٰ سطح کا اجلاس طلب کرلیا جس کا نوٹیفکیشن بھی جاری کردیا گیا ہے۔

نوٹیفکیشن کے مطابق وزیر داخلہ سندھ سہیل انور سیال نے 24 جنوری کی دوپہر 3 بجے اپنے دفتر میں نقیب اللہ کی مبینہ پولیس مقابلے میں ہلاکت کے معاملے پر اعلیٰ سطح کا اجلاس طلب کرلیا ہے۔

اجلاس میں آئی جی سندھ اے ڈی خواجہ، ایڈیشنل آئی جی کراچی اور نقیب اللہ کے معاملے پر قائم کردہ تحقیقاتی کمیٹی کو بھی اجلاس میں شرکت کے لیے بلایا گیا ہے۔

اجلاس میں ڈیفنس میں قتل کیے جانے والے نوجوان انتظار کا معاملہ بھی زیر غور آئے گا، اس سلسلے میں ایس ایس پی سائوتھ اور کیس کے تفتیشی افسر کو بھی طلب کیا گیا ہے۔