لیبیا: ڈوبنے والےپاکستانیوں کی میتیں وطن لانے کے لیے سردخانےمنتقل

لیبیا میں ڈوبنے والے بارہ پاکستانی تارکین وطن کی لاشیں سردخانے پہنچادی گئیں جہاں سے میتیں پاکستان روانہ کی جائیں گی ۔

طرابلس کے اسپتال حکام کے مطابق کشتی حادثے میں ڈوبنے والے پاکستانیوں کی لاشیں اسپتال پہنچ گئی ہیں، جہاں سے انہیں پاکستان روانہ کیا جائے گا۔

پاکستانی سفارتخانے کے حکام کا کہنا ہے کہ گذشتہ جمعے کو لیبیا میں تارکین وطن کی ڈوبنے والی کشتی میں خدشہ ہے کہ بتیس پاکستانی موجود تھے تاہم کشتی حادثے میں ڈوبنے والوں کی درست تعداد اب تک معلوم نہیں ہوئی ہے۔