بھارتی وزیر خارجہ سشما سوراج نے اپنے سعودی ہم منصب عادل الجبیرسے ملاقات کی اس موقع پر دونوں ممالک کے درمیان باہمی تعاون اور ہم آہنگی بڑھانے پر اتفاق ہوا۔
سعودی دار الحکومت ریاض میں ہونے والی ملاقات میں سشما سوراج اورعادل الجبیر کے درمیان دونوں ملکوں کے تعلقات کو فروغ دینے سمیت باہمی دلچسپی کے امور پر تبادلہ خیال کیا گیا۔
دونوں وزرائے خارجہ نے سعودی عرب اور بھارت کے درمیان باہمی تعاون اور ہم آہنگی بڑھانے پر اتفاق کیا ۔ملاقات میں سعودی وزارت خارجہ کے سینئر حکام کے علاوہ دونوں ممالک کے سفراء نے بھی شرکت کی۔
وزیر خارجہ سشما سوراج سعودی عرب کے اپنے پہلے تین روزہ سرکاری دورے پر منگل کو پہنچی تھیں۔ وہ سعودی ثقافت اور ورثے کے قومی تہوار میں بطور مہمان خصوصی شریک ہوئیں۔