-
فرمان الہی
-
نماز کے اوقات
- جمعہ 10؍شوال المکرم 1445ھ19؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
سعودی وزارت خارجہ کے ایک ذریعے نے مختلف میڈیا ذرائع کی ان رپورٹس کو بالکل غلط قرار دیا ہے جن میں کہا گیا ہے کہ سعودی حکومت لبنانی وزیراعظم سعد الحریری کے حالیہ دورۂ ترکی سے ناخوش ہے۔
اس ذریعے کا کہنا ہے کہ ان خبروں میں کوئی سچائی نہیں ہے اور ان بے بنیاد خبروں کی قطری اخبارات نے تشہیر کی ہے۔ سعودی وزارت خارجہ نے بدھ کو ایک ٹویٹ میں کہا ہے کہ ’’ کسی سعودی ذریعے نے لبنانی وزیراعظم سعد الحریری کے ترکی کے دورے کے حوالے سے کوئی بیان جاری نہیں کیا ہے‘‘۔
یاد رہے کہ سعد الحریری نے 30 جنوری کو ترکی کا دورہ کیا تھا اور ترک صدر رجب طیب ایردوآن اور وزیراعظم بن علی یلدرم سے ملاقات کی تھی۔انھوں نے لبنان اور خطے میں ہونے والی تازہ پیش رفت اور دونوں ممالک کے درمیان مختلف شعبوں میں دو طرفہ تعلقات کے فروغ کے حوالے سے تبادلہ خیال کیا تھا۔
