| |
Home Page
جمعہ 6؍ جمادی الثانی 1439ھ 23؍ فروری 2018ء
February 09, 2018 | 05:02 pm

ایم کیو ایم رابطہ کمیٹی نے فاروق ستار کو مائنس کردیا

Farooq Sattar Minus By Mqm Rabita Committee

Farooq Sattar Minus By Mqm Rabita Committee

متحدہ قومی موومنٹ پاکستان کی رابطہ کمیٹی نے پارٹی سربراہ فاروق ستار کو مائنس کردیا ۔

ایم کیو ایم رابطہ کمیٹی نے سینیٹ الیکشن کے لئے پارٹی امیدواروں سے متعلق خط لکھنے کا مجاز خالد مقبول صدیقی کو قرار دیا ہے۔

رابطہ کمیٹی نے اپنے اجلاس میں سینیٹ الیکشن کے لئےامیدواروں کی منظوری دی اور ساتھ ہی الیکشن کمیشن کے نام امیدواروں کے پارٹی ٹکٹ کے حوالے سے خط لکھنے کا اختیار فاروق ستار سے لے کر خالد مقبول صدیقی کو دیدیا ہے۔

الیکشن کمیشن کے نام لکھے گئے خط میںرابطہ کمیٹی نے کہا کہ اگر کسی کو امیدواروں کو ٹکٹ دینے کا اختیار تھا تو وہ واپس لیا جاتا ہے۔

رابطہ کمیٹی نے خط میں کہا کہ پارٹی آئین کی شق 19۔اےکےتحت الیکشن کیلئےامیدواروں کوٹکٹ رابطہ کمیٹی دےگی،ہرطرح کے انتخابات کیلئےامیدواروں کوٹکٹ دینےکااختیارصرف رابطہ کمیٹی کو ہے۔

پارٹی ذرائع کے مطابق امیدواروں کو ٹکٹ دینے کا اختیار پارٹی سربراہ کو حاصل نہیں ،رابطہ کمیٹی نے اجلاس کرکے فاروق ستار سے اختیار واپس لے لیا۔