لیبیا : بن غازی میں مسجد کے قریب گاڑی میں دھماکا، ایک شخص ہلاک

لیبیا کے شہر بن غازی میں مسجد کے قریب کھڑی گاڑی میں زوردار دھماکے کے نتیجے میں ایک شخص ہلاک ہوگیا۔

عرب ٹی وی کے مطابق دھماکا بن غازی کا علاقہ ماجوری کی مسجد ابوہریرہ کے باہر اس وقت ہوا جب جمعہ کی نماز ادا کی جارہی تھی۔ چند عینی شاہدین نے دعویٰ کیا ہے کہ دھماکہ خودکش حملہ آور نے کیا ہے۔

امدادی ٹیموں کا کہنا ہے کہ دھماکے میں 37 افراد زخمی ہوئے ہیں جن میں سے متعدد کی حالت تشویشناک ہے۔ ابھی تک کسی بھی گروپ نے دھماکے کی ذمہ داری قبول نہیں کی ہے۔