| |
Home Page
اتوار یکم جمادی الثانی 1439ھ 18 فروری 2018ء
February 10, 2018 | 04:49 am

ڈھاکا ٹیسٹ سری لنکا کی گرفت میں، بنگلہ دیش کیلئے بچنا مشکل

Srilanka In Command In Dhaka Test Hard For Bangladesh To Fight

Srilanka In Command In Dhaka Test Hard For Bangladesh To Fight

ڈھاکا ٹیسٹ میں مہمان سری لنکا کی گرفت مضبوط ہوگئی ہے، میچ ہوم سائیڈ کے ہاتھ سے نکل چکا ہےجبکہ بنگال ٹائیگرز چٹاگانگ ٹیسٹ کے بعد لگتا ہے کہ پرانی ڈگر پر لوٹ آئے ہیںاور اس کے لیے شکست سے بچنا چیلنج ہوگا۔

آئی لینڈرز نے دوسرے روز کھیل ختم ہونے تک اپنی دوسری اننگز میں 8 وکٹوں پر 200 رنز بنا کر مجموعی طور پر 312رنز کی برتری حاصل کر لی ہے۔

روشن سلوا نے پہلی اننگز کے بعد دوسری اننگز میں بھی ذمہ دارانہ بیٹنگ کا مظاہرہ کیا اور خود کو بہترین بیٹسمین ثابت کیا،وہ 58 اور سرنگا لکمل 7 رنز کے ساتھ وکٹ پر موجود ہیں جبکہ مستفیض الرحمان نے 3 کھلاڑیوں کو آئوٹ کیا۔

قبل ازیں بنگلہ دیشی ٹیم پہلی اننگز میں 110رنز بنا کر پویلین لوٹ گئی تھی، 7کھلاڑی دوہرا ہندسہ بھی عبور نہ کر سکے، سرنگا لکمل اور دھنن جایا نے 3،3وکٹیں لیں۔

جمعہ کو ڈھاکا میں میچ کے دوسرے روز بنگلہ دیشی ٹیم نے 56 رنز 4 کھلاڑی آئوٹ پر پہلی ادھوری اننگز دوبارہ شروع کی تو لٹن داس 24اور مہدی حسن میراز 5 رنز پر کھیل رہے تھے۔

لکمل نے حریف بیٹسمینوں کو سیٹ ہونے کا موقع ہی نہ دیا، انہوں نے لٹن داس کو آئوٹ کر کے ٹیم کو دن کی پہلی کامیابی دلائی، لٹن داس 25رنز بناسکے، کپتان محموداللہ بھی ٹیم کو سہارا نہ دے سکے اور 17 رنز بنانے کے بعد دھنن جایا کی گیند کا نشانہ بنے۔

اس کے بعد کوئی بھی کھلاڑی مہدی حسن کا ساتھ نہ دے سکا اور پوری ٹیم 110رنز پر ڈھیر ہو گئی، مہدی حسن 38 رنز بنا کر ناٹ آئوٹ رہے۔

جواب میں سری لنکا نے دوسرے روز کھیل ختم ہونے تک اپنی دوسری اننگز میں8وکٹوں پر200 رنز بنا کر مجموعی طور پر 312رنز کی برتری حاصل کر لی ہے۔