| |
Home Page
بدھ 4؍ جمادی الثانی 1439ھ 21؍ فروری 2018ء
February 10, 2018 | 05:09 am

نیب نے نواز شریف کو آج طلب کرلیا

Nab Summons Nawaz For Flagship Investment Inquiry Today

Nab Summons Nawaz For Flagship Investment Inquiry Today

سابق وزیراعظم نواز شریف کو فلیگ شپ انوسٹمنٹس کے ضمنی ریفرنس کی تحقیقات کے لیے نیب نے آج صبح گیارہ بجے طلب کرلیا ہے۔

ذرائع کے مطابق نیب راولپنڈی نے نواز شریف کو اسلام آباد میں واقع دفتر میں پیش ہونے کی ہدایت کی ہےاور اس حوالے سے نوٹس بھجوا دیا گیا ہے۔

نیب ذرائع کے مطابق نواز شریف کے خلاف العزیزیہ اسٹیل اور فلیگ شپ انوسٹمنٹ کے ضمنی ریفرنسزکی تیاری کی جارہی ہےجبکہ نیب راولپنڈی نے العزیزیہ کیس میں ضمنی ریفرنس دائر کرنے کا فیصلہ کیا ہے، جو آئندہ ہفتے احتساب عدالت میں دائر کردیا جائے گا۔

نیب ذرائع نےمزید بتایا کہ نیب کو اینکر پرسن حامد میر کے ساتھ حسین نواز کے انٹرویو کا اسکرپٹ موصول ہوگیا ہےجبکہ پیمرا کی جانب سے جواب دیا گیا ہے کہ پیمرا کے پاس90 دن سے زیادہ کا ریکارڈ نہیں ہوتاتاہم ریکارڈ کو ضمنی ریفرنس کا حصہ بنایا جائے گا۔