کبھی ہمت نہ ہارنا...جان سینا کی معذور پرستار سے سرگوشی

معروف ہالی وڈ اداکار اور ریسلر جان سینا نے رنگ سے اتر کر اپنے مسلمان معذور پرستار کو پیار کیا اور اس کے کان میں کہا کہ نیور گیو اپ یعنی کبھی ہمت نہ ہارنا۔

یہ واقعہ سین جوز کے ریسلنگ رنگ میں 12فروری کی شب اس وقت پیش آیا جب جون سینا نے راکے شو کے دوران اپنے حریف انٹر کانٹی نیٹل چیمپئن دی مز کو پچھاڑ کر فتح اپنے نام کی۔

دی مز کو شکست دینے کے فوری بعد جان سینا ریسلنگ رنگ سے اترتے ہیں اور پرستاروں کے ہجوم میں بیٹھے مسلم خاندان کے پاس پہنچتے ہیں جن کے ساتھ ان کا معذور نوجوان بیٹا وہیل چیئر پر بیٹھا ہوا تھا۔

جان سینا معذور بچے کے قریب پہنچے اور انہوں نے اسے پیار کیا،اس کے سر پر ہاتھ پھیرا، اپنا کلائی کا بینڈ تحفتاً دیا۔

انہوں نے بچے کے اہل خانہ سے ہاتھ ملایا اور معذور بچے کے کان میں سرگوشی کی کہ نیور گیو اپ (کبھی ہمت نہ ہارنا)۔