بھارت اور چین کی بنگلہ دیش اسٹاک ایکس چینج میں حصص کے حصول کی کوششیں

علاقائی اثرورسوخ کی دوڑ میں بھارت اور چین نے بنگلہ دیش کے اسٹاک ایکس چینج میں بھاری حصص کے حصول کی کوششیں تیز کر دی ہیں۔

ڈھاکا اسٹاک ایکس چینج کے چیف ایگزیکٹیو کاکہنا ہے کہ بھارت نے 25 فیصد حصص کے لیے 15 ٹکا فی شیئر کا ٹینڈر جمع کرایا جبکہ چین نے 22 ٹکا فی شیئر علاوہ 37 ملین ڈالر مالیت کی تکنیکی سپورٹ فراہم کرنے کی بھی پیشکش کی ہے۔

چینی ذرائع ابلاغ کے مطابق چین کا ٹینڈر منظور کر لیا گیا تھا لیکن بنگلہ دیش کے مالیاتی ضابطہ کاروں نے اسے مسترد کر دیا۔

دوسری جانب بنگلہ دیش سیکیورٹیز اینڈ ایکس چینج کمیشن کا کہنا ہے کہ ابھی کوئی حتمیفیصلہ نہیں کیا گیا۔

مقامی رپورٹس میں بھارت کی جانب جھکاؤ کا ذمہ دار بنگلہ دیش میں سیاسی دخل اندازی کو ٹہرایا جا رہا ہے۔