سابق وزیراعظم نوازشریف نے زینب قتل کیس کے فیصلے کو مثال قرار دیتے ہوئے کہا ہے کہ زینب بیٹی اور اہل خانہ کو بلا تاخیر انصاف کی فراہمی لائق تحسین ہے۔
ایک بیان میں نوازشریف نے کہا کہ انسداد دہشت گردی کی عدالت کے جج سجاد احمد نے جس محنت اور جذبے سے قانونی تقاضے پورے کیے وہ خوش آئند ہے۔
انہوں نے کہا کہ ایسے فیصلے اور انصاف کی فوری فراہمی معاشرے میں ایسے گھناؤنے جرائم کا راستہ روکنے میں سنگ میل کا درجہ رکھتے ہیں۔
سابق وزیراعظم نے یہ بھی کہاکہ اب ہماری بچیوں کی طرف کوئی بُری نظر اٹھانے کی بھی جرات نہیں کرے گا ۔