• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Thrice Suicide Blast In Nigeria 19 Killed 70 Injured

شمالی مشرقی نائیجیریا کی مچھلی مارکیٹ میں تین خود کش حملوں میں کم از کم 19 افراد ہلاک اور متعدد زخمی ہو گئے۔

غیر ملکی خبر رساں ادارے کی رپورٹ کے مطابق خود کش حملے نائیجیریا کی جنوب مشرقی ریاست بورنو کے علاقے کونڈوگا میں کیے گئے۔

نائیجیرین حکام کے مطابق حملوں میں 70 افراد زخمی بھی ہوئے جن میں 22 افراد کی حالت تشویشناک ہے۔سویلین جوائنٹ ٹاسک فورس کے حکام کے مطابق تینوں حملہ آور مرد تھے اور بلا شبہ یہ حملے بوکو حرام کی جانب سے کئے گئے۔

نائیجیریا میں فوج اور پولیس کی جانب سے 2009 میں شدت پسند تنظیم بوکو حرام کے خلاف آپریشن شروع کیا گیا اور اس دوران اب تک 20 ہزار لوگ ہلاک اور 26 لاکھ افراد بے گھر ہو چکے ہیں۔

تازہ ترین