پنجاب کے وزیر قانون رانا ثناءاللہ کا کہنا ہے کہ کسی کو یہ حق نہیں کہ وہ کسی ادارے یا سپریم کورٹ کا ترجمان بنے اور سپریم کورٹ کو اپنے نام نہاد ترجمانوں کا بھی نوٹس لینا چاہیے۔
وزیر قانون پنجاب نے لاہور میں میڈیا سے گفتگو کرتے ہوئے اپوزیشن جماعتوں پر سینیٹ انتخابات میں ہارس ٹریڈنگ کا الزام لگاتے ہوئے کڑی تنقید کا نشانہ بنایا۔
ایک سوال کے جواب میں رانا ثناءاللہ کا کہنا تھا کہ راوؤانوار کو بہادر بچہ کہہ کر آصف زرداری صرف کریڈٹ لینا چاہتے ہیں۔ اصل حقیقت سے سب آگاہ ہیں۔
وزیرقانون پنجاب نے واضح کیا کہ نوازشریف اور چوہدری نثار میں کوئی اختلاف نہیں۔ البتہ ایشوز پر اختلاف رائے ہو سکتا ہے۔