وزیر اعلیٰ بلو چستان میر عبد القدوس بزنجو نے کہا ہے کہ پاکستان سپر لیگ پاکستان میں کرکٹ کے فروغ میں ایک شاندار اضافہ ہے، جس سے پاکستان میں انٹرنیشنل کھیلوں کے بند دروازے کھلنے میں بھر پور مدد مل رہی ہے۔
عبد القدوس بزنجو نے پی ایس ایل میں شرکت کے لیے کوئٹہ گلیڈی ایٹرز کی دبئی روانگی کے حوالے سے اپنے نیک تمناؤں کے پیغام میں کہا کہ کوئٹہ گلیڈی ایٹرز صوبہ بلوچستان کی پہچان اور کرکٹ کے فروغ میں نہایت اہمیت کی حامل ہے۔
انہوں نے امید ظاہر کی ہے کہ کوئٹہ گلیڈی ایٹرز کی ٹیم ماضی کی طرح اس سال بھی پی ایس ایل میں شاندار کاکردگی کا مظاہرہ کرے گی۔
ان کا مزید کہنا تھا کہ ہم سب کی خواہش ہے کہ پاکستان میں کرکٹ بحال ہو جائے۔