پیپلز پارٹی کے مرکزی رہنما اور قومی اسمبلی میں قائد حزب اختلاف سید خورشید شاہ نے کہا ہے کہ جناب وزیراعظم صاحب کسی اور نے نہیں ہم نے خود اس پارلیمنٹ کا تقدس پامال کیا ہے ۔
قومی اسمبلی اجلاس میں خطاب کے دوران خورشید شاہ نے کہا کہ جو بحث وزیراعظم صاحب آج ایوان میں لائے ہیںوہ تو بہت پہلے ہونی چاہیے تھی ۔
انہوں نے یہ بھی کہا کہ جب ہم عدلیہ کو ڈکٹیشن دیتے تھے تو ٹھیک ہوتا ہے ؟ قانون سازی فرد یا مفادات کے لئے ہوتو تباہ کن ہوتی ہے ۔
اپوزیشن لیڈر نے مزید کہا کہ سارے ادارے اپنی حدود میں رہ کر کام کریں یہ پاکستان کےلئے بہتر ہے ، ہمیں ماضی کی غلطیوں کو سامنے رکھ کر ان کا اقرار کرنا چاہیے ۔