ترک صدر کا روسی اور ایرانی صدور سے ٹیلیفونک رابطہ

ترک صدر رجب طیب اردوان نے روسی صدر پیوٹن اور ایرانی صدر حسن روحانی سے ٹیلیفونک رابطے میں شام کی صورتحال اور دہشتگردی میں تعاون جاری رکھنے پر بات چیت کی ہے۔

ترک صدارتی ذرائع کے مطابق ترک صدرطیب اردوان اور روسی صدر پیوٹن کا ٹیلیفونک رابطہ ہوا ہے جس میں دونوں رہنماؤں نے دہشتگردی کے خلاف جنگ میں تعاون جاری رکھنے پراتفاق کیا اور شام کے شہر ادلب میں نگراں چیک پوسٹوں کے قیام پر بھی تبادلہ خیال کیا۔

ایرانی ہم منصب سے گفتگو میں ترک صدر نے شام میں جاری صورتحال، عفرین میں ترک فورسز کے آپریشن پر تبادلہ خیال کیا اور دونوں رہنماؤں نے دہشتگردی کے خلاف جنگ کی اہمیت پر زور دیا۔