سپر لیگ، پاکستان آنے والے کرکٹرز سے متعلق تجسس برقرار

پاکستان سپر لیگ کے پلے آف میچوں اور فائنل کے لئے کون کون سے غیر ملکی کھلاڑی پاکستان آئیں گے اس بارے میں اس وقت کچھ کہنا مشکل ہے۔ انٹرنیشنل کرکٹرز کے حوالے سے تجسس برقرار ہے۔

ملتان سلطانز کے ہیڈ کوچ اور سابق آسٹریلوی کرکٹر ٹام موڈی کا کہنا ہے کہ ان کے کھلاڑی ابھی ابتدائی میچوں میں کارکردگی دکھانے کی کوشش کررہے ہیں۔

ٹورنامنٹ کے آغاز سے قبل کسی سے پاکستان میں کھیلنے کے بارے میں گفتگو نہیں کی جارہی ہے۔ وقت آنے پر بات کریں گے۔

ادھر پشاوز زلمی کے بولنگ کنسلٹنٹ سابق پاکستانی آف اسپنر ثقلین مشتاق کا کہنا ہے کہ انٹرنیشنل کرکٹ کونسل کو پاکستان میں بین الاقوامی کرکٹ کی بحالی میں مکمل تعاون کرنا چاہیے۔

پاکستان میں بین الاقومی کرکٹ نہ ہونے سے نہ صرف پاکستان بلکہ کرکٹ کا بھی نقصان ہورہا ہے۔

پاکستان میں کرکٹ کے دروازے بند بھی ہوں مگر پاکستانی ٹیلنٹ کو ابھرنے سے کوئی نہیں روک سکتا۔

پی ایس ایل نے انٹرنیشنل کرکٹ کی پاکستان میں واپسی کیلئے بنیاد فراہم کردی ہے۔ مستقبل نوجوانوں کا ہےمجھ سے بہتر بولر پاکستان کرکٹ کو ملیں گے۔