اسماعیلیوں کے روحانی پیشوا پرنس کریم آغا خان منگل سے بھارت کا گیارہ روزہ دورہ شروع کررہے ہیں،وہ اپنے اس دورہ کے موقع پر بھارتی صدر کے علاوہ وزیراعظم نریندر مودی سے بھی ملاقات کرینگے۔
ڈائمنڈ جوبلی کے موقع پر وہ سندر نرسری کا افتتاح بھی کریں گے، سندر نرسری 16ویں صدی کا باغ اور مقبرہ ہمایوں سے متصل 90ایکڑ قطعہ اراضی پر پھیلا ہوا ہے۔
پرنس کریم آغا خان اس سے پہلے کینیڈا، یوگنڈا اور متحدہ عرب امارات کے یادگار دورے کرچکے ہیں، جبکہ گزشتہ دسمبر میں انھوں نےپاکستان کا بھی دورہ کیا تھا۔وہ بھارت کے نائب صدر کی دعوت پر یہ دورہ کررہے ہیں۔