ہیوسٹن میں پاکستانی قونصلیٹ کی جانب سے کشمیریوں سے اظہاریکجہتی کیلئے تقریب کا اہتمام کیا گیاجس میں مقررین کا خطاب کرتے ہوئے کہنا تھا کہ عالمی برادری کشمیریوں پرڈھائے جانے والے مظالم کا نوٹس لے۔
اس موقع پر صدر پاکستان ممنون حسین اوروزیراعظم شاہد خاقان عباسی کے خصوصی پیغامات بھی پڑھ کرسنائے گئے ،تقریب سے قونصل جنرل ہیوسٹن عائشہ فاروقی ،بريگيڈئير(ر) سرداربہرام ،بختاورخان، سعیدشیخ عبدالحنان ملک ،علی فراز، نے بھی خطاب کيا۔
کشمیریوں سے اظہار یکجہتی کی اس تقریب میں، بھارتی مظالم پرمبنی دستاویزی فلم بھی دکھائی گئی جبکہ کشمیری حریت ليڈرآسيہ اندرابی اورمشعال ملک نے ويڈیوکے ذریعہ خطاب کیا۔
قونصل جنرل پاکستان ہیوسٹن عائشہ فاروقی نے صدر وزیراعظم کی جانب سےکشمیریوں کیلئے خصوصی پيغامات پڑھ کر سنائے، جن میں کشمیریوں کی آزادی کی جدوجہد کی اخلاقی حمایت جاری رکھنے کےعزم کا اظہارکیا گیا ۔
عائشہ فاروقی نے کہا بھارتی مظالم کے باوجود کشمیریوں نے اپنی جدوجہد جاری رکھی ہوئی ہے اور انہیں اپنی منزل آزادی کے حق سے کوئی بھی محروم نہیں کرسکتا۔
فرینڈزآف کشمیر کی چیئرپرسن غزالہ حبیب نے شرکاءتقریب کو جدوجہد آزادکشمیر کے پس منظراور منزل کے تعین کے حوالے سے ٖفیصلے پر روشنی ڈالی ،تقریب میں طاہرخان،ناصرحبیب،حائقہ خان ،سردار شفقت،اورزبیدہ سمیت عمائدین شہر نےشرکت کی ۔
پاکستانی قونصلیٹ میں ہونے والی اس تقریب میں برہان وانی کی شہادت کے حوالے سے ڈاکومينٹری بھی پیش کی گئی ۔