اسپیکر قومی اسمبلی سردار ایاز صادق نے ایوان میں آمد پر ارکان کی جانب سے چیئر کے احترام میں سر جھکانے کے حوالے سے رولز سے شق نکلوا دی ہے جبکہ قومی اسمبلی کی جانب سے خط و کتابت کیلئے استعمال کئے جانے والے لیٹر ہیڈ پر اسلامی جمہوریہ پاکستان شامل کر دیا گیا ہے۔
ایوان میں کوئی تحریک پیش کرنے کے لئے استعمال کیا جانے والا لفظ بھی آئندہ استعمال نہ کرنے پر اتفاق کیا گیا ہے۔
اسپیکر نے کہا کہ ممبران اگر اسپیکر سے استدعا کے لئےBeg کا لفظ استعمال کرتے ہیں وہ غیر مناسب ہے، اس میں ترمیم کریں گے۔ چیئر کے سامنے سر جھکانا بھی مناسب نہیں، اس کو رولز سے نکال دیا ہے، ہمارے لیٹر ہیڈ پر قومی اسمبلی پاکستان لکھا ہوتا تھا اس کو تبدیل کر کے اسلامی جمہوریہ پاکستان لکھ دیا ہے۔