یورپین پارلیمنٹ میں پاکستان کی جی ایس پی پلس حیثیت برقرار رکھنے پر اتفاق ہوگیا جس پر وزارت تجارت نے اطمینان کا اظہار کیا ہے ۔
جی ایس پی پلس کے باعث پاکستان کی برآمدات میں ایک ارب75 کروڑ یورو کا اضافہ ہوا ہے ۔
یورپی پارلیمنٹ کے رکن سجاد کریم نے کہا ہے کہ پاکستان نے جی ایس پی پلس کے تحت شرائط پر اطمینان بخش عمل کیا اور اس کی پوزیشن مستحکم ہوئی ہے ۔
پاکستان کی خواتین محنت کشوں کے لیے کی جانے والی قانون سازی نے فیصلے میں اہم کردار ادا کیا ۔