چین میں نئے سال کو خو ش آمدیدکہنے کا دلکش انداز

موجودہ سائنس اور ٹیکنالوجی کے دور میں جہاں ہر شعبے میں نت نئے اور جدید ڈرونز کا استعمال بڑھتا جارہا ہے وہیں چین کے شہر زیان میں ان ڈرونز کا استعمال منفرد انداز میں کیا گیا جس نے آسمان پر دلکش اور سحر انگیزنظارہ ترتیب دے ڈالا۔

چین میں نئے چینی سال کو خوش آمدید کہنے کے لئے تین سو ڈرونز کو ایک ساتھ فضا میں اڑایا جس کے بعدان ڈرونز نے جگمگاتے ہوئے آسمان پر دلکش منظر تخلیق کر ڈالا۔

رنگ برنگی ایل ای ڈی روشنیوں سے مزین یہ ڈرونز جب بڑی تعداد میں ایک ساتھ فضا میں جگمگائے تو ایسا دلچسپ نظارہ دیکھنے میں آیا کہ دیکھنے والے حیران رہ گئے۔