کینیڈین وزیراعظم جسٹن ٹروڈو نے اپنے اہل خانہ کے ہمراہ کنگ خان اور دیگر بھارتی اسٹاز سے ملاقات کی۔
بھارتی اخبار ’ہندوستان ٹائمز‘ کے مطابق جسٹن ٹروڈواپنے اہل خانہ کے ہمراہ ان دنوں بھارت کے 7 روزہ دورے پر ہیں جہاں انہوں نے شاہ رخ خان سمیت متعدد بالی ووڈ اسٹارز سے ملاقات کی۔
ٹروڈواور ان کی فیملی نے بھارت میں دورے کے دوران تاج محل، ہمایوں کا مقبرہ، بادشاہی مسجد سمیت دیگرخوبصورت جگہوں کا دورہ کیا۔اس کے علاوہ دونوں ملکوں کے درمیان ایک ارب ڈالر کے 66 معاہدوں پر دستخط کیے جائیں گے جن میں فلم انڈسٹری سے متعلق معاہدہ بھی شامل ہے۔
گزشتہ روز جسٹن ٹروڈو کے اعزاز میں ایک تقریب کا انعقاد کیا گیا جس میں انہوں نے بالی ووڈ کنگ شاہ رخ خان، عامر خان، انوپم کھیر سمیت متعدد اداکاروں کے ساتھ ملاقات کی۔
تقریب کے دوران جسٹن ٹروڈو سنہرے رنگ کی شیروانی پہنے نظر آئے جبکہ ان کی اہلیہ صوفی ساڑھی پہنی ہوئیں تھیں ۔جس میں دونوں ہی بے حد خوبصورت لگ رہے تھے۔
.@aamir_khan - our delegation was very happy to meet you! Thanks for joining us to celebrate a brighter future for the film industry in both our countries. pic.twitter.com/KFdEXssoku
— Justin Trudeau (@JustinTrudeau) February 21, 2018
سماجی رابطے کی سائٹ ٹویٹر پر جسٹن ٹروڈو نے بالی ووڈ کے بادشاہ شاہ رخ خان کے ساتھ تصویر ٹویٹ کی اور کنگ خان سے ملاقات کو خوشگوار قراردیتے ہوئے کہا کہ’ ہم آج کینیڈین فلم انڈسٹری اور بالی ووڈ کے درمیان مضبوط تعلقات اور تعاون کا جشن منارہے ہیں اور اس میں شاہ رخ خان سے بہتر کوئی اور مدد نہیں کرسکتا تھا۔‘
نامور بالی ووڈ ہدایت کار اور اداکار فرحان اختر نے کینیڈین وزیر اعظم سے ملاقات کو اعزاز قراردیا، اس کے ساتھ ہی انہوں نے جسٹن ٹروڈو کو ’’سر‘‘ کہہ کر مخاطب کرتے ہوئے کہا کہ صنفی امتیاز کے خاتمے میں آپ کی قیادت ہم سب کے لیے متاثر کن ہے۔
تقریب میں جسٹن ٹروڈو نے بالی ووڈ کے مسٹرپرفیکشنسٹ عامر خان کےساتھ بھی ملاقات کی۔
I was about Xav's age when I first visited the Taj Mahal almost 35 years ago... and it's amazing to be back with him & the family on Day 1 of our trip to India. pic.twitter.com/EN6VnkYBU2
— Justin Trudeau (@JustinTrudeau) February 18, 2018
جسٹن ٹروڈو نے دورہ بھارت کے دوران تاج محل کا بھی دورہ کیا اور تصاویر بھی بنوائیں بعدازاں انہوں نے تصاویر ٹویٹر پر شیئر کرتے ہوئے کہا کہ میں جب پہلی بار تاج محل دیکھنے آیاتھا تو اپنے بیٹے کی عمر کا تھا، اور اب تقریباً 35 سال بعد دوبارہ اپنی فیملی کے ساتھ یہاں آنا بہت اچھا لگ رہاہے۔