ویانامیں ڈانس فیسٹیول ،دنیا بھر سے ماہر ٹیموں کی شرکت

آسٹریا کے دارالحکومت ویانا میں سالانہ ڈانس فیسٹیول کا انعقاد کیا گیا جس میں ماہر ڈانسرزکی ٹیموں نے اپنی صلاحیتوں کا اظہار کر کے فیسٹیول کو چار چاند لگا دئیے۔

اس رنگارنگ ڈانس چیمپئن شپ میں 21سال سے کم عمر نوجوان اور کم عمر ڈانسرز شریک ہوئے، جنہوں نے ججز اور حاضرین کے سامنے اسٹیج پر شاندار رقص پیش کر کے دیکھنے والوں کو داد دینے پر مجبور کر دیا۔

جھلملاتے ملبوسات میں اپنی صلاحیتوں کا لوہا منوانے ان ڈانسرز نے موسیقی کی دھنوں پر رقص کرتے ہوئے کمال فٹ ورک اورتوازن کا مظاہرہ کرتے ہوئے سنگلزاور ٹیموں کی صورت میں اپنی منفرد پرفارمنس پیش کیں۔

ہپ ہاپ، انڈین ڈانس ، ثقافتی رقص،بریک ڈانس اور فیری ٹیلز سمیت معروف اینی میٹیڈ فلم ٹرولز کے انداز میں پیش کی گئی پرفارمنس توجہ کا مرکز بنی رہی۔